Global
Mars Home page

YFIRLÝSING UM  PERSÓNUVERND

Síðast uppfært: 2020 08 31

Yfirlit

Mars er stolt af því að hafa verið fjölskyldufyrirtæki í yfir 100 ár. Það veitir okkur frelsi til að hugsa í kynslóðum, ekki ársfjórðungum og vegna þess getum við gert langtímafjárfestingar í rekstrinum, mannauðnum, viðskiptavinunum og jörðinni— alltaf með langtíma grundvallarstefnu okkar að leiðarljósi. Við trúum því að gjörðir okkar í dag móti morgundaginn eins og við viljum hafa hann.

Grundvallaratriði okkar um verndun persónuupplýsinga:

  1. Við berum virðingu fyrir þeim persónuupplýsingum sem okkur er treyst fyrir.
  2. Markmið okkar er að meðhöndlun persónuupplýsinga  einkennist af gagnsæi og ábyrgð. Gögn í okkar vörslu eru meðhöndluð í samræmi við fimm grundvallarreglur sem við höfum sett okkur og gildandi lög.
  3. Við fylgjum stefnu og virðum friðhelgisrétt notenda okkar, viðskiptavina og umsækjenda.
  4. Við skuldbindum okkur til að endurbæta stöðugt verklag okkar varðandi persónuvernd og öryggi.

 

Í yfirlýsingu okkar um persónuvernd eru upplýsingar um hvernig við söfnum, notum og deilum persónuupplýsingum hjá Mars, hlutafélaginu og tengdum fyrirtækjum.Þar með teljast dótturfyrirtæki og samstarfsaðilar („Mars,“ „við,“ „okkur“ eða „okkar,“) í gegnum síður okkar, snjallsímaöpp eða aðrar síður þar sem þessi yfirlýsing um persónuvernd er birt („á síðunum“). Þessi persónuverndaryfirlýsing gildir einnig um upplýsingar sem við söfnum frá þér í eigin persónu, á einhverjum sölustaða okkar eða dýraspítala (einnig „á síðunum“) og þegar þú sækir um starf hjá Mars.

Til að senda fyrirspurn um persónuupplýsingar þínar sem þú hefur deilt með Mars, vinsamlegast notaðu  þennan tengil.

Um hvað gildir þessi yfirlýsing um persónuvernd?
Söfnun persónuupplýsinga – Hvað, hvers vegna og hvernig

Hvers konar persónuupplýsingum söfnum við og vinnum úr?
Hvers vegna söfnum við persónuupplýsingum þínum og hvernig notum við þær?
Hvernig deilum við og miðlum persónuupplýsingum þínum?
Starfsumsókn hjá Mars 
Hvernig er samskiptum okkar við þig háttað

Börn

Hvað um persónuvernd barna?

Auglýsingar og fótspor

Hver er stefna okkar varðandi áhugasviðstengdar auglýsingar á netinu?

Aðrar nytsamlegar upplýsingar

Hvað annað viltu vita?

Hafðu samband við okkur

Hvernig getur þú haft samband við okkur?

Lög og réttindi sem gætu átt við um þig

Réttur einstaklings til persónuverndar

Hver eru persónuverndarréttindi í Kaliforníu?

Breytingar

Breytingar á þessari yfirlýsingu.

Select Widget

Þessi yfirlýsing um persónuvernd gildir um  persónuupplýsingar sem Mars safnar eða vinnur úr, jafnt hlutafélagið sem önnur tengd fyrirtæki. Yfirlýsingin um persónuvernd á við ef við söfnum persónuupplýsingum frá þér í eigin persónu, gegnum heimasíður, snjallsímaöpp, tölvupóst, dýraspítala, samfélagsmiðla og á svæðum þar sem þessi yfirlýsing um persónuvernd er birt („á síðunum“).  Persónuupplýsingar þínar teljast vera upplýsingar eða samsetning upplýsinga sem gætu með beinum eða óbeinum hætti verið notaðar til að auðkenna þig („persónuupplýsingar“).  Þar með eru talin persónuauðkenni eins og nafn, kennitala, upplýsingar um staðsetningu, auðkenni á netinu eða líkamleg, sálræn, erfðafræðileg, andleg, fjárhagsleg, menningarleg eða félagsleg auðkenni.  Vinsamlegast athugaðu að skilgreining á  persónuupplýsingum getur verið ólík eftir svæðum. Ef við söfnum upplýsingum sem flokkast sem persónuupplýsingar á þínu svæði, meðhöndlum við þær í samræmi við þessa yfirlýsingu um persónuvernd og lög sem gilda á svæðinu.   

Vinsamlegast lestu þessa yfirlýsingu um persónuvernd vandlega þannig að þú skiljir stefnu okkar og meðferð persónuupplýsinga. Þessi yfirlýsing um persónuvernd gæti öðru hvoru tekið breytingum. Við upplýsum þig um efnislegar breytingar með því að birta tilkynningu á heimasíðu okkar í hæfilega langan tíma ásamt því að breyta dagsetningu á síðustu uppfærslu. Vinsamlegast fylgstu með uppfærslum.

Við fylgjum lögum um persónuvernd í hverju landi og erum í samstarfi við yfirvöld á sviði persónuverndar.

Ef þú ert í lögsagnarumdæmi þar sem hugtakið „gagnavörður“ eða sambærilegt er viðurkennt, er gagnavörðurinn:

Persónuverndarfulltrúi
Hlutafélagsins Mars
Dundee Road
Slough, Berkshire SL1 4LG
Hafa samband: Hérna

Ef þú hefur spurningar um hvernig persónuupplýsingar þínar eru notaðar, getur þú haft samband við gagnavörðinn með því að ýta hérna eða hérna.  Vinsamlegast vísaðu einnig í hlutann hér að neðan undir heitinu Réttur einstaklings til persónuverndar.

Við kunnum að safna eða vinna úr margs konar persónuupplýsingum. Hverjum flokki persónuupplýsinga fylgja upplýsingar um uppruna þeirra, tilgang og miðlun.

  • Auðkenni. Við fáum auðkenni beint frá þér eða þriðja aðila eins og upplýsingamiðlara eða af samfélagsmiðlum. Auðkenni geta verið nafn þitt eða samskiptaupplýsingar. Við notum þær til að útvega og bæta búnað, vörur og þjónustu sem þú óskar eftir, fyrir skráningu, samkeppnir og kynningar. Til að hafa samband við þig og veita þér upplýsingar, til að senda þér persónumiðað efni, upplýsingar, bæklinga, afsláttarmiða, sýnishorn, tilboð og aðrar upplýsingar um vörur okkar eða tengdra fyrirtækja. Þegar við gegnum samningsbundnum skyldum við þig: Til úrvinnslu persónuupplýsinga sem eru nauðsynlegar fyrir mat á og samþykki viðskiptavina eða söluaðila, til að unnt sé að senda viðeigandi auglýsingaefni og/eða í rannsóknarskyni. Þeim er deilt í viðskiptalegum tilgangi innan fyrirtækja Mars-fjölskyldunnar og með þjónustuaðilum.
  • Persónuupplýsingar í viðskiptamannaskrám. Þessar upplýsingar fáum við beint frá þér. Við notum þær til að útvega eða bæta búnað, vörur og þjónustu sem þú óskar eftir. Til að útvega þér persónumiðað efni, upplýsingar og til að senda þér bæklinga, afsláttarmiða, sýnishorn, tilboð og aðrar upplýsingar um vörur okkar eða tengdra fyrirtækja. Þegar við gegnum samningsbundnum skyldum við þig og/eða við úrvinnslu persónuupplýsinga sem er nauðsynleg fyrir mat á og samþykki viðskiptavina eða söluaðila. Þeim er deilt í viðskiptalegum tilgangi innan fyrirtækja Mars-fjölskyldunnar og með þjónustuaðilum.
  • Vernduð flokkuð sérkenni. Við fáum vernduð flokkuð sérkenni beint frá þér eða frá þriðja aðila, eins og upplýsingamiðlara eða samfélagsmiðlum. Við notum þessi gögn til að bæta búnað, vörur og þjónustu sem þú óskar eftir. Þegar við gegnum samningsbundnum skyldum við þig og/eða til úrvinnslu persónuupplýsinga sem er nauðsynleg fyrir mat á og samþykki viðskiptavina eða söluaðila. Þeim er deilt í viðskiptalegum tilgangi innan fyrirtækja Mars-fjölskyldunnar og með þjónustuaðilum.
  • Viðskiptaupplýsingar. Við fáum þær beint frá þér þegar þú kaupir vörur og þjónustu á einhverjum sölustaða okkar, þar á meðal á dýraspítölum eða á netinu. Við notum viðskiptaupplýsingar til að útvega og bæta búnað, vörur og þjónustu sem þú óskar eftir. Til að útvega þér persónumiðað efni, upplýsingar og til að senda þér bæklinga, afsláttarmiða, sýnishorn, tilboð og aðrar upplýsingar um vörur okkar eða tengdra fyrirtækja og/eða til að senda viðeigandi auglýsingaefni. Þeim er deilt í viðskiptalegum tilgangi innan fyrirtækja Mars-fjölskyldunnar og með þjónustuaðilum.
  • Internet eða önnur svipuð netstarfsemi. Við fáum þessar upplýsingar óbeint frá þér (til dæmis með því að fylgjast með aðgerðum þínum á síðum okkar) eða frá þriðja aðila eins og aðilum sem gera greiningar á gögnum. Við notum þessar upplýsingar til að útvega þér persónumiðað efni, upplýsingar og til að senda þér bæklinga, afsláttarmiða, sýnishorn, tilboð og aðrar upplýsingar um vörur okkar eða tengdum fyrirtækjum og/eða til að senda viðeigandi auglýsingaefni. Þeim er deilt í viðskiptalegum tilgangi innan fyrirtækja Mars-fjölskyldunnar og með þjónustuaðilum.
  • Upplýsingar um staðsetningu. Við fáum upplýsingar um staðsetningu beint eða óbeint frá þér (til dæmis ef þú leyfir staðsetningaþjónustu að sjá staðsetningu þína) og/eða frá þriðja aðila eins og samfélagsmiðlum. Við notum þessar upplýsingar til að bæta búnað, vörur og þjónustu sem þú óskar eftir. Til skráningar, fyrir samkeppnir og kynningar. Til að útvega þér persónumiðað efni og upplýsingar ásamt því að senda þér bæklinga, afsláttarmiða, sýnishorn, tilboð og aðrar upplýsingar um vörur okkar eða tengdra fyrirtækja. Þegar við gegnum samningsbundnum skyldum við þig og/eða til að senda viðeigandi auglýsingaefni. Þeim er deilt í viðskiptalegum tilgangi innan fyrirtækja Mars-fjölskyldunnar og með þjónustuaðilum.
  • Faglegar eða starfstengdar upplýsingar. Við fáum faglegar eða starfstengdar upplýsingar beint frá þér aða frá þriðja aðila (til dæmis í gegnum aðila sem gerir ferilskoðun). Við notum þessar upplýsingar í ferli í tengslum við mannaráðningar og þegar við gegnum samningsbundnum skyldum við þig. Þeim er deilt í viðskiptalegum tilgangi innan fyrirtækja Mars-fjölskyldunnar og með þjónustuaðilum.
  • Ályktanir sem eru dregnar frá öðrum persónuupplýsingum. Við fáum þessar upplýsingar óbeint frá þér (til dæmis með því að fylgjast með aðgerðum þínum á síðum okkar) eða frá þriðja aðila eins og greiningarfyrirtækjum. Við notum viðskiptaupplýsingar til að útvega og bæta búnað, vörur og þjónustu sem þú óskar eftir. Til að útvega þér persónumiðað efni og upplýsingar og til að senda þér bæklinga, afsláttarmiða, sýnishorn, tilboð og aðrar upplýsingar um vörur okkar eða tengdra fyrirtækja og/eða til að senda viðeigandi auglýsingaefni. Þeim er deilt í viðskiptalegum tilgangi innan fyrirtækja Mars-fjölskyldunnar og með þjónustuaðilum.

Við kunnum að safna upplýsingum annars staðar frá, þar á meðal af lista yfir tengiliði og úr lýðfræðilegum gögnum. Þær geta verið sameinaðar öðrum upplýsingum sem við söfnum í þeim tilgangi sem lýst hefur verið.

Við söfnum eftirtöldum hlutum persónuupplýsinga:

  • Persónulegar samskiptaupplýsingar. Þar á meðal eru upplýsingar eins og nöfn, heimilisfang, símanúmer eða netföng. Þegar þú, til dæmis, skráir samskiptaupplýsingar þínar þegar þú skráir þig inn á netinu, þegar þú átt viðskipti við okkur eða þegar þú veitir okkur þjónustu. Á sumum síðum stendur þér til boða að stofna notendanafn og lykilorð til að  stofna reikning.
  • Upplýsingar um millifærslur þínar til okkar. Til dæmis innkaupasaga þín, upplýsingar um greiðslu- og flutningsmáta ásamt öðrum upplýsingum um notkun þína á vörum okkar eða þjónustu.
  • Greiðsluupplýsingar. Þar á meðal upplýsingar um greiðslukort þín, reikningsnúmer heimabanka eða annan greiðslumáta.
  • Einstakar upplýsingar um viðskiptavin og viðskipti. Til dæmis notendanafn og aðrar upplýsingar til innskráningar.
  • Upplýsingar sem benda til áhuga þíns á starfi. Til dæmis hvað þú kýst umfram annað, starfsreynsla og upplýsingar sem gefnar voru upp í starfsumsókn.
  • Lýðfræðilegar upplýsingar. Til dæmis gögn um aldur, kyn, áhugamál eða starfsemi, smekk eða hvað þú kýst umfram annað.
  • Gögn fyrir samning við viðskiptavini eða söluaðila. Í þessu felst mat og samþykki á viðskiptavini eða söluaðila. Við söfnum til dæmis upplýsingum um lánastöðu eða upplýsingum af opinberum vettvangi um viðskiptabann eða válista. 
  • Upplýsingum sem er safnað af okkar síðum og samfélagsmiðlum. Þar á meðal eru upplýsingar sem við öflum þegar þú ert í samskiptum við okkur. Dæmi um þetta eru ummæli, myndir eða aðrar upplýsingar sem þú póstar í gegnum blogg, spjallrásir eða samfélagsmiðla.
  • Upplýsingar um tæki. Til dæmis IP-númer (Internet Protcol), greining tækis, stýrikerfi tækis, vafrar, heimasíður sem þú heimsóttir áður eða eftir að þú heimsóttir okkar síðu, síður sem þú skoðaðir og aðgerðir þínar á okkar síðum sem og.
  • Þriðju aðilar sem annast þjónustu eða auglýsingastarfsemi fyrir okkur kunna jafnframt að safna upplýsingum sjálfkrafa.
  • Aðrar upplýsingar sem við höfum safnað með samþykki þínu.

Upplýsingar sem við söfnum um gæludýrið þitt – til dæmis af hvaða dýrategund og kyni gæludýrið er, hver afmælisdagur þess er eða meðferðarsaga – eru ekki álitnar persónuupplýsingar.

Við getum notað persónuupplýsingar þínar í margvíslegum löglegum tilgangi, þar á meðal:

  • Til að útvega búnað, vörur eða þjónustu sem þú óskar eftir. Við kunnum að nota persónuupplýsingar sem við söfnum til að verða við óskum þínum og gera þér kleift að nota búnað okkar, vörur og þjónustu. Þetta á við um greiðsluferli fyrir kaup, áskrift eða sölu og er einnig til verjast sviksamlegum millifærslum eða bera kennsla á þær.
  • Skráning, samkeppnir og kynningar. Við kunnum að nota persónuupplýsingar þínar til að skrá þig í samkeppni ef þú vilt, til að láta þig vita af niðurstöðu og til að skrá þig fyrir ákveðnum búnaði, vörum og þjónustu í samræmi við áhugasvið þitt.
  • Til að hafa samband við þig og koma upplýsingum til þín. Við kunnum að nota persónuupplýsingar þínar til að hafa samband við þig, svara spurningum þínum eða ummælum eða til að veita þér nýjar upplýsingar og fréttir. Ef þú hefur sýnt áhuga á starfi hjá Mars, til að láta þig vita þegar í boði eru störf sem henta þér.
  • Til að útvega þér persónumiðað efni og upplýsingar eða til að senda þér bæklinga, afsláttarmiða, sýnishorn, tilboð og aðrar upplýsingar um vörur okkar eða tengdra fyrirtækja. Þar sem farið er fram á það í lögum, biðjum við þá sem heimsækja okkur og gefa upp netfang sitt, að láta okkur vita hvort þeir vilja fá frekari upplýsingar eða fréttir frá okkur, til dæmis upplýsingar um vörur og þjónustu frá okkur eða tengdum fyrirtækjum. Við bjóðum þeim sem heimsækja okkur möguleika á að afskrá sig ef þeir vilja ekki fá frekari upplýsingar frá okkur. Í einhverjum tilvikum kunnum við að biðja þig að skrá þig sérstaklega inn áður en við höfum samband við þig gegnum tiltekna leið eða áður en tiltekin þjónusta verður aðgengileg.
  • Þegar við gegnum samningsbundnum skyldum við þig. Við kunnum að nota persónuupplýsingar þínar eftir þörfum þegar þú annast þjónustu fyrir okkur eða sækir um starf hjá okkur. Ef þú notar vörur okkar eða nýtir þjónustu okkar, notum við persónuupplýsingar þínar til að gegna samningsbundnum skyldum okkar við þig.
  • Til að meta og samþykkja viðskiptavini og söluaðila. Í því felst að auðkenna suma viðskiptavini eða söluaðila og kanna greiðslustöðu með því að gera áreiðanleikaúttekt og skima í opinberum gögnum og/eða válistum, öðrum gögnum þriðja aðila, atvikaskrám og viðvörunarkerfum Mars og/eða viðvörunarkerfum þriðja aðila. Við söfnun þessara gagna er hugsanlegt að fyrirtæki sem annast greiðslumat komi við sögu eða annar þriðji aðili.
  • Til að senda viðeigandi auglýsingaefni. Við kunnum að kaupa og nota lista yfir netföng þeirra sem hafa óskað eftir frekari upplýsingum (opt-in) til að hafa samband við mögulega viðskiptavini. Við biðjum þá sem útvega slíka lista að staðfesta að þeir afhendi eingöngu samskiptaupplýsingar þeirra sem vilja fá tilboð og upplýsingar í tölvupósti. Við getum jafnframt notað lýðfræðilegar upplýsingar og upplýsingar um áhugasvið í auglýsingum til að ná til þeirra notenda sem efnið höfðar mest til. Með því móti sjá notendur auglýsingar sem líklegast er að höfði til þeirra. Við virðum beiðnir um afskráningu (opt-out). Ef þú vilt fá frekari upplýsingar um auglýsingaaðferðir okkar, vinsamlegast ýttu hér til að sjá stefnu okkar í áhugasviðstengdum netauglýsingum.
  • Til að senda þér önnur tilboð. Stundum sendum við tilboð, afsláttarmiða og upplýsingar, þar með talda vörulista, í tölvupósti. Sem dæmi má nefna að þegar viðskiptavinur pantar úr vörulistaverslun okkar á netinu eða skráir beiðni um rafrænan vörulista, getum við bætt honum á lista til að hann fái vörulistann. Við kunnum einnig að nota lista frá þriðja aðila eða af opinberum vettvangi. Með samþykki þínu, getum við miðlað upplýsingum um nöfn og heimilisföng til annarra fyrirtækja sem kunna að hafa samband við þig og senda þér tilboð í pósti. Þú getur afskráð þig hvenær sem er.
  • Til að bæta búnað, vörur og þjónustu sem við bjóðum í gegnum síðurnar. Við kunnum að nota persónuupplýsingar til að bæta vöruframboð Mars-fjölskyldunnar, þjónustu, síður okkar og búnað.
  • Fyrir sjálfvirka ákvarðanatöku í ákveðnum tilvikum. Við kunnum að nota persónuupplýsingar fyrir auglýsingar á netinu og/eða til að gera persónusnið. Hér að aftan er útskýrt hvaða persónuupplýsingum við söfnum, hvernig þær eru notaðar og hvernig þú getur afskráð alla sjálfvirka ákvarðanatöku.

Á hvaða lagagrunni er okkur heimilt að meðhöndla persónuupplýsingar þínar?

  • Til að verja lífsnauðsynlega hagsmuni þína. Við gætum til dæmis unnið úr persónuupplýsingum af heilsufars- eða öryggisástæðum ef þú ert í starfsstöð Mars eða vegna mannaráðninga, samkvæmt nánara samkomulagi við fulltrúa starfsmannsins í sumum lögsagnarumdæmum, og til að verja almannahagsmuni.
  • Samkvæmt þínum fyrirmælum og með samþykki þínu.
  • Vegna rannsókna.
  • Í öðrum löglegum viðskiptalegum tilgangi.Þetta á við um en er ekki takmarkað við gildandi lög og þann tilgang sem greint er frá að framan.

Við kunnum að deila eða gefa upplýsingar um persónuupplýsingar þínar í eftirfarandi tilvikum.

  • Innan Mars og fyrirtækja Mars-fjölskyldunnar.
  • Með söluaðilum eða umboðsmönnum. Við kunnum að deila persónuupplýsingum þínum með fyrirtækjum sem við höfum ráðið til að þjónusta okkur. Þegar við deilum persónuupplýsingum með fyrirtækjum sem þjónusta okkur, er þeim óheimilt að nota upplýsingarnar í öðrum tilgangi. Þeir þurfa að gæta trúnaðar varðandi persónuupplýsingar þínar nema þú samþykkir annað.
  • Hvert persónuupplýsingar þínar geta verið fluttar með öðrum eignum fyrirtækisins.
  • Hvar við fengum fyrirmæli eða samþykki þitt til að miðla persónuupplýsingum þínum.
  • Til að framfylgja lögum eða bregðast við málsmeðferð eða lögmætum fyrirmælum, þar með talið frá löggæslu og opinberum stofnunum.
  • Til að rannsaka kvörtun neytanda eða hugsanlegt lögbrot, til að verja heilleika vefsíðunnar, svara beiðni þinni eða vegna samstarfs um hvers kyns lagalega rannsókn.
  • Til að verja rétt eða eignir Mars-fjölskyldufyrirtækjanna eða viðskiptavina okkar, þar með talið að framfylgja skilmálum sem gilda um notkun þína á þjónustunni.
  • Til að ganga fram í góðri trú um að aðgangur eða afhending sé nauðsynleg til að vernda heilsu og/eða öryggi samstarfsaðila okkar, viðskiptavina, almennings og gæludýra.
  • Til að styðja annan löglegan viðskiptalegan tilgang. Í því felst, en takmarkast ekki við að framfylgja lögum, efla klínískar rannsóknir, mat á greiningu og meðferð gæludýra.

Vinsamlegast athugaðu að á síðunum kunna að vera hlekkir og ábendingar um vefsíður þriðja aðila sem gætu haft aðra persónuverndarstefnu en við. Ef þú skráir persónuupplýsingar á einhverja þessara vefsíðna, gildir persónuverndarstefna þeirra um upplýsingarnar. Við hvetjum þig til að skoða persónuverndarstefnu allra vefsíðna sem þú heimsækir.

Við kunnum að selja þriðja aðila nafnlaus gögn og við kunnum að deila nafnlausum eða ópersónugreinanlegum upplýsingum í samræmi við það sem fram kemur hér að framan. Við kunnum að sameina ópersónurekjanlegar eða persónuduldar upplýsingar og aðrar ópersónurekjanlegar eða duldar upplýsingar af öðrum uppruna. Við kunnum líka að deila uppsöfnuðum og nafnlausum upplýsingum með þriðja aðila, þar á meðal ráðgjöfum, auglýsendum og fjárfestum, til almennrar viðskiptagreiningar. Við getum til dæmis látið auglýsendum í té upplýsingar um fjölda heimsókna á heimasíðu okkar og þann búnað eða þá þjónustu sem nýtur mestra vinsælda.

Þegar þú sækir um starf hjá Mars, vinnum við úr persónuupplýsingum þínum eins og lýst er hér, í samræmi við gildandi persónuverndarlög. Mars virðir friðhelgi þína og meðhöndlar persónuupplýsingar þínar sem umsækjanda sem trúnaðarupplýsingar. Við notum og deilum persónuupplýsingum þínum samkvæmt því sem fram kemur í þessari yfirlýsingu um persónuvernd og einnig eins og lýst er hér að aftan, þegar þær tengjast umsókn þinni um starf.

Persónuupplýsingar þínar sem við söfnum um þig sem umsækjanda.

Þegar þú sækir um starf hjá Mars, biðjum við þig um persónuupplýsingar til að meta umsóknina þína. Þú kannt að vilja leggja fram frekari persónuupplýsingar (til dæmis upplýsingar um áhugamál og félagsleg viðhorf). Allar upplýsingar eru gefnar af fúsum vilja og þú ræður hvaða persónuupplýsingar þú lætur í té. Vinsamlegast athugaðu að ef þú kýst að gefa ekki upp umbeðnar persónuupplýsingar, geta möguleikar okkar á að íhuga þig sem starfsmann, verið takmarkaðir.

Upplýsingar frá þriðja aðila

Við kunnum einnig að fá upplýsingar um þig af opinberum vettvangi eða frá þriðja aðila. Til dæmis er heimilt samkvæmt gildandi lögum að sannreyna upplýsingar í umsókninni þinni eða láta þriðja aðila gera ferilskoðun. Ef þú kýst, geturðu látið okkur í té persónuupplýsingar af síðum þriðja aðila eins og Linkedln ef það á við á þínu markaðssvæði. Ef þú kýst að heimila Mars aðgang að þessum persónuupplýsingum, samþykkir þú að Mars safni, geymi og noti þessar upplýsingar í samræmi við þessa persónuverndaryfirlýsingu.

Hvernig Mars notar persónuupplýsingar þínar í tengslum við starfsumsókn.

Mars notar persónuupplýsingar þínar í umsóknarferlinu, einnig í þeim tilgangi sem greint er frá hér að aftan. 

  • Við mannaráðningar, mat og val á umsækjendum um starf
  • Almennt, í mannauðsstjórn og stjórnun
  • Til að gera ánægjukannanir (til dæmis til að stýra og bæta ferli í mannaráðningum)
  • Til að sannreyna meðmæli þín, gera ferilskoðun og ámóta úttektir
  • Í samræmi við lagalegar kröfur og kröfur fyrirtækisins (til dæmis til að fylgjast með fjölbreytileika)
  • Til að hafa samband við þig í tengslum við umsókn þína og áhuga á Mars
  • Til að benda þér á lausar stöður í framtíðinni, ef þú leyfir þá notkun
     

Persónusnið og sjálfvirkar ákvarðanatökur

Mars kann einnig að vinna úr persónuupplýsingum þínum til að gera greiningu á gögnum og tölfræði. Til að uppfylla lagalegar kröfur eða vegna lögmætra hagsmuna Mars, kunnum við að vakta ráðningar starfsfólks á heimsvísu og skoða fjölbreytileika, með samþykki þínu og þar sem það er heimilt samkvæmt lögum. Þú átt rétt á að ekki verði tekin ákvörðun um þig sem eingöngu byggist á sjálfvirkri ákvarðanatöku, þar með töldu persónusniði ef sú ákvörðun hefur í för með sér lagalega eftirmála eða hefur varanleg áhrif á þig. Í ráðningarferli Mars er ekki eingöngu stuðst við sjálfvirka ákvarðanatöku um umsækjendur.

Með hverjum deilir Mars  persónuupplýsingum um þig sem umsækjanda?

Persónuupplýsingum þínum er eingöngu deilt með samstarfsaðilum Mars sem sannanlega þurfa á þeim að halda til að sinna verkefnum sínum og skyldum, og með þriðja aðila ef viðskiptaleg þörf hans er lögmæt. Þriðju aðilar í tengslum við umsækjendur um starf eru meðal annars ráðningarstofur, ráðgjafar, aðilar sem annast ferilskoðun og lögmenn. Þessir þjónustuaðilar geta verið ólíkir eftir því hvaða stofnun Mars ræður þig til starfa og þeir geta einnig verið aðrir á öðrum tímum. Við leitumst alltaf við að tryggja að þriðju aðilar sem meðhöndla persónuupplýsingar geri það í samræmi við þessa persónuverndaryfirlýsingu og í samræmi við viðeigandi lög.

E þú vilt ekki lengur að við notumst við persónuupplýsingar þínar til að kynna fyrir þér vörur eða þjónustu Mars eða þriðja aðila, sendu okkur þá tölvupóst þar sem þú ferð fram á það: [email protected].

Ef við sendum þér tölvupóst með kynningarefni, getur þú líka sagt upp áskriftinni neðst í tölvupóstinum og þar með afþakkað kynningarefni í tölvupósti í framtíðinni. Í sumum tilvikum kunnum við að óska eftir samþykki þínu áður en við sendum þér kynningarefni í tölvupósti. Ef þú veitir ekki samþykki, færðu ekki tiltekna tölvupósta frá okkur.

Þótt þú kjósir að fá ekki tölvupósta með kynningarefni, gætir þú eigi að síður fengið tölvupósta til að einfalda, ganga frá eða staðfesta viðskipti sem þú hefur þegar samþykkt að eiga við okkur. Undir þetta falla tilkynningar um heilsufar gæludýrsins þíns, áminningar um bókaða tíma, frágangur á skráningu, leiðréttingar á skráningarupplýsingum, beiðnir um nýtt lykilorð, staðfestingar á millifærslum, tilkynningar um flutning og önnur mikilvæg samskipti í tengslum við viðskipti þín við okkur.

Við getum hugsanlega einnig boðið þér að fá SMS-skilaboð. Undir ákveðnum kringumstæðum gætum við óskað eftir því að þú skráir þig inn (opt-in) til að þú getir móttekið smáskilaboð frá okkur. Þú getur hvenær sem er afþakkað (opt-out) tiltekin smáskilaboð frá okkur (önnur en þau sem minna á bókaðan tíma) með því að skrifa STOP sem svar við einhverjum skilaboðanna frá okkur.

Öll þjónusta í tengslum við smáskilaboð er þér að kostnaðarlausu nema annað sé skýrt tekið fram. Gjaldtaka vegna skilaboða, gagnanotkunar og annars kann að eiga við. Þú berð ábyrgð á greiðslu allra gjalda vegna farsíma (notkun, áskrift og þessháttar) sem þú notar til að nýta vörur okkar eða þjónustu. Vinsamlegast hafðu samband við farsímafyrirtækið þitt og kannaðu í verðskrá þess hver kostnaður er við að senda smáskilaboð og taka á móti þeim.

Hvað um persónuvernd barna?

Flestar heimasíður okkar eru hannaðar fyrir fullorðna og ætlaðar þeim. Ef einhver af heimasíðum okkar er ætluð ungum notendum, fáum við heimild frá foreldri eða forráðamanni í samræmi við viðeigandi lög á hverjum stað.  

Frekari upplýsingar má finna í  sérstakri tilkynningu til foreldra og í siðareglum Mars í markaðsmálum. Ef þú kemst að því að barn hefur brotið gegn þessari yfirlýsingu og skráð sig sem áskrifanda að fréttabréfi í tölvupósti eða með öðrum hætti gefið upp persónuupplýsingar sínar, vinsamlegast láttu okkur vita hérna. Ef við verðum vör við að ólögráða barn hefur látið okkur í té persónuupplýsingar án leyfis foreldris eða forráðamanns, eyðum við reikningnum og öllum persónuupplýsingum sem viðkomandi gaf upp, að því marki sem hægt er.

Hver er stefna okkar varðandi auglýsingar á netinu, sem tengjast áhugasviði?

Vinsamlegast skoðaðu tilkynningar um auglýsingaval (Ad Choices) og vefkökur (Cookies) til að fá nákvæmar upplýsingar um verklag okkar í tengslum við áhugasviðstengdar auglýsingar á netinu og notkun á vefkökum.

Hvað annað viltu vita?

Hvar eru upplýsingarnar þínar geymdar og hvar fer úrvinnsla þeirra fram?

Persónuupplýsingar sem við söfnum eða tökum á móti geta verið geymdar og úr þeim unnið í Bandaríkjunum eða hverju því landi þar sem við eða þjónustuaðilar okkar hafa aðsetur.

Netþjónarnir og gagnagrunnarnir sem geyma persónuupplýsingar kunna að vera í öðru landi en því sem þú varst í þegar þú fórst inn á heimasíðuna og í landi sem hefur önnur persónuverndarlög en gilda í heimalandi þínu. Persónuupplýsingar sem þú lætur okkur í té geta verið sendar úr landi í samræmi við lögfestar kröfur. Við söfnum, vinnum úr og notum persónuupplýsingar eingöngu í samræmi við þessa yfirlýsingu um persónuvernd.

Hve lengi geymum við persónuupplýsingar þínar?

Við verndum og geymum persónuupplýsingar þínar aðeins jafn lengi og þær þjóna lögmætum viðskiptalegum tilgangi og í samræmi við stefnu okkar um varðveislu gagna.

Hvað um persónuupplýsingar sem eru aðgengilegar opinberlega (eins og á spjallrásum, í netspjalli eða öðrum samskiptavettvangi)?

Við kunnum að bjóða upp á spjallrásir, skilaboða- eða tilkynningasvæði, eða samskiptavettvang þar sem gestir geta póstað ummælum eða upplýsingum. Ef um er að ræða spjallrás, skilaboða- eða tilkynningasvæði, samskiptamiðla eða annan samskiptavettvang, skaltu athuga reglur sem þar eru fram settar. Þú ert bundin/n af þeim reglum sem þar koma fram og einnig notendaskilmálum okkar síðu. Í reglum um þátttöku geta komið fram aldurstakmarkanir eða önnur mörk, til dæmis bann við meiðandi ummælum, særandi eða eldfimu umræðuefni. Allt sem þú póstar á netinu telst vera opinberar upplýsingar. Við berum ekki ábyrgð á neinu sem þú póstar á netið af frjálsum vilja. Notendur ættu að gæta varúðar við að veita persónuupplýsingar á netinu.

Framsal

Í þeim aðstæðum að eignir okkar yrðu seldar að hluta eða öllu leyti,utanaðkomandi aðilum áskotnuðust þær, eða ef til samruna kæmi, veitir þú okkur heimild til að miðla þeim persónuupplýsingum sem við höfum safnað frá þér.

Hvernig verndum við persónuupplýsingar þínar?

Við höldum uppi (og krefjumst þess sama af þjónustuaðilum okkar) viðeigandi kerfi og gerum tæknilegar ráðstafanir til að tryggja öryggi persónuupplýsinga þinna. Ef þú hefur spurningar um tæknilegar ráðstafanir sem við gerum, getur þú haft samband við okkur hérna.

Við mælum með því að þú gerir líka viðeigandi ráðstafanir til að verja persónuupplýsingar þínar. Settu til dæmis upp uppfært vírusvarnarforrit, lokaðu vafra eftir notkun, haltu notkunarnafni og lykilorði fyrir þig, uppfærðu reglulega hugbúnað og öpp til að tryggja að þú notir ávallt nýjasta öryggisbúnaðinn.

Alþjóðlegur flutningur persónuupplýsinga.

Ef þú ákveður að láta okkur í té persónuupplýsingar, getum við flutt þessar persónuupplýsingar til samstarfsaðila okkar og dótturfyrirtækja eða til þriðja aðila, í samræmi við lög á viðkomandi svæði. Við kunnum einnig að flytja persónuupplýsingar þínar yfir landamæri, úr heimalandi þínu eða lögsagnarumdæmi til landa eða lögsagnarumdæma í samræmi við lögfestar kröfur. Mars styðst einkum við föst samningsákvæði framkvæmdastjórnar Evrópusambandsins um gagnaflutning frá Evrópusambandinu, EES-svæðinu, Bretlandi og Sviss til landa utan EES (þar með talið til Bretlands). Varðandi flutning milli annarra lögsagnarumdæma, kann Mars að treysta á annan löglegan vélbúnað fyrir alþjóðlegan flutning, í samræmi við viðeigandi lög.

Hvað átt þú að gera ef þú hefur spurningar eða vilt hafa samband við okkur?

Við gerum ráðstafanir til að sjá til þess að persónuupplýsingar þínar séu nákvæmar. Sum kerfi Mars veita aðgang til að skoða eða uppfæra persónuupplýsingar á netinu. Kannaðu hvar þú skráðir þig til að komast að því hvort þú getur skoðað eða uppfært persónuupplýsingar þínar þar.

Þar sem meðferð persónuupplýsinga þinna byggist á samþykki þínu, getur þú átt rétt á að draga samþykki þitt til baka með því að ýta hér.  Athugaðu að þótt þú dragir samþykki þitt til baka, kemur það ekki í veg fyrir lögmæti þess að við vinnum úr persónuupplýsingum á grunni samþykkis sem þú gafst áður en þú dróst það til baka. Þar sem það á við, gætir þú einnig átt rétt að á leggja fram kvörtun hjá persónuverndaryfirvöldum á þínu svæði. Ásetningur okkar er að leysa mál sem tengjast meðhöndlun okkar á persónuupplýsingum þínum. Þú getur haft samband við okkur hvenær sem er ef spurningar eða efasemdir vakna.

Hvernig getur þú haft samband við okkur?

Þú getur haft samband við hnattræna persónuverndarteymið og gagnavörð Mars með því að ýta hérna.

Við skuldbindum okkur til að vinna með þér að úrlausn þeirra kvartana sem þú kannt að hafa. Ef þú hefur áhyggjur, vinsamlegast hafðu samband við okkur með því að ýta hérna. Erindi þitt verður fljótlega tekið fyrir.

Réttur einstaklings til persónuverndar

Réttindi geta verið breytileg eftir búsetu. Mars svarar öllum fyrirspurnum um réttindi í samræmi við lög og reglur á hverju svæði.

Ef þú vilt senda fyrirspurn um einhver þessara réttinda, vinsamlegast ýttu hérna.

Aðgangsréttur

Þú kannt að eiga rétt á að fá staðfestingu á því hvort unnið er úr persónuupplýsingum þínum. Ef svo er, áttu rétt á aðgangi að persónuupplýsingunum og öðrum upplýsingum, eins og um tilgang, flokk persónuupplýsinga, gögn, viðtakanda (eða flokk viðtakanda) sem persónuupplýsingum var eða verður deilt með. Tilteknir viðtakendur í þriðja landi eða alþjóðlegar stofnanir geta ef unnt er, fengið upplýsingar um áætlaðan geymslutíma persónuupplýsinganna. Sé það ekki hægt, þá upplýsingar um forsendur við ákvörðun á lengd geymslutímans, réttindi þín og svo framvegis.

Þar sem það er mögulegt og heimilt samkvæmt lögum, munum við útvega afrit af þeim persónuupplýsingum sem við vinnum úr. Fyrir önnur afrit kunnum við að innheimta sanngjarnt gjald sem byggist á umsýslukostnaði. Ef þú sendir fyrirspurn á rafrænan hátt og sé ekki er farið fram á annað, verða upplýsingarnar sendar á rafrænu formi.

Réttur til að leiðrétta

Þú getur átt rétt á að leiðrétta eða fullgera persónuupplýsingar þínar séu þær ónákvæmar eða ófullkomnar.

Réttur til eyðingar (réttur til að gleymast)

Þú kannt að eiga rétt á að persónuupplýsingum þínum sé eitt undir ákveðnum kringumstæðum. Sjá dæmi hér að aftan. 

  • Persónuupplýsingar þínar eru ekki lengur nauðsynlegar í þeim tilgangi sem lá að baki söfnun þeirra eða annarri vinnslu þeirra.
  • Þú dregur til baka samþykki þitt sem úrvinnslan grundvallast á og við höfum ekki lengur lagalegan grundvöll fyrir vinnslunni.
  • Persónuupplýsingarnar eru ekki lengur nauðsynlegar í þeim tilgangi sem lá að baki söfnun þeirra eða annarri vinnslu þeirra.
  • Vinnsla persónuupplýsinganna var ólögmæt.
  • Persónuupplýsingunum þarf að eyða til að uppfylla lagaskyldu okkar.

Réttur þessi gildir ekki að því marki sem vinnsla gagnanna er nauðsynleg í þeim tilgangi sem tilgreindur er hér að aftan. 

  • Til að neyta réttarins til tjáningar- og upplýsingafrelsis.
  • Til að við getum uppfyllt lagaskyldu sem felur í sér nauðsyn þess að úr persónuupplýsingunum sé unnið.
  • Vegna verkefnis sem er unnið í þágu almannahagsmuna
  • Vegna almannahagsmuna á sviði almannaheilbrigðis
  • Vegna skjalavistunar í þágu almannahagsmuna, rannsókna á sviði vísinda eða sagnfræði eða í tölfræðilegum tilgangi.
  • Til að stofna, hafa uppi eða verja réttarkröfur

Réttur til að takmarka vinnslu

Þú kannt að eiga rétt á að vinnsla sé takmörkuð af neðangreindum ástæðum.

  • Þú véfengir að persónuupplýsingar þínar séu réttar. Takmarkanir eiga þá við um það tímabil sem nægir okkur til að staðfesta að þær séu réttar
  • Vinnslan er ólögmæt, þú andmælir því að persónuupplýsingunum sé eytt og ferð fram á takmarkaða notkun þeirra í staðinn.  
  • Við þurfum ekki lengur á persónuupplýsingunum að halda fyrir vinnsluna en þú þarfnast þeirra til þess að stofna, hafa uppi eða verja réttarkröfur.
  • Þú nýttir andmælarétt þinn til að andmæla vinnslunni meðan beðið er sannprófunar á því hvort hagsmunir okkar gangi framar lögmætum hagsmunum þínum.

Réttur til að flytja gögn

Þú kannt að eiga rétt á að fá í hendur persónuupplýsingar sem þú hefur afhent okkur á skipulegu, algengu, tölvulesanlegu sniði. Þú átt rétt á að senda persónuupplýsingarnar til annars ábyrgðaraðila ef vinnslan byggist á samþykki, er samkvæmt samningi og er sjálfvirk.

Andmælaréttur

Vegna sérstakra aðstæðna  kanntu að eiga rétt til að andmæla vinnslu persónuupplýsinga sem grundvallast á lögmætum tilgangi. Við munum hætta vinnslu persónuupplýsinganna nema við höfum mikilvægar lögmætar ástæður fyrir vinnslunni sem ganga framar hagsmunum, réttindum og frelsi þínu, eða ef hún er nauðsynleg til að stofna, hafa uppi eða verja réttarkröfur. Ef persónuupplýsingar eru notaðar í beinum markaðslegum tilgangi, persónusnið þar með talið, getur þú andmælt hvenær sem er.

Sjálfvirkar ákvarðanatökur, þar með talin gerð persónusniða

Þú kannt að eiga rétt á að undirgangast ekki ákvarðanir sem eingöngu eru byggðar á sjálfvirkri ákvarðanatöku, þar með talið á grundvelli persónusniðs nema ákveðnar undanþágur séu í lögum á svæðinu. 

Réttur til að afturkalla samþykki

Þar sem vinnsla persónuupplýsinga er háð samþykki þínu,getur þú átt rétt á að afturkalla samþykkið hvenær sem er án þess að það hafi áhrif á lögmæti vinnslu gagna sem samþykki var fyrir, fyrir afturköllunina.

Réttur til nafnleysis

Þú kannt einnig að eiga rétt á að fara fram á nafnleysi. Þetta þýðir að persónuupplýsingum þínum verður ekki safnað og ekki unnið úr þeim. Ef þú kýst að nýta þennan rétt, er hugsanlegt að við getum ekki veitt þér vörur eða þjónustu sem þú óskar eftir.

Réttur til að leggja fram kvörtun hjá eftirlitsstofnun

Þú kannt að eiga rétt á að leggja fram kvörtun hjá eftirlitsstofnun.

Ef þú vilt senda fyrirspurn um einhver þessara réttinda, vinsamlegast ýttu hérna.

Hver eru persónuverndarréttindi í Kaliforníu?

Lög í Kaliforníu heimila íbúum í Kaliforníu að óska eftir tilteknum upplýsingum um miðlun okkar á persónuupplýsingum til þriðju aðila sem nýta þær í beinum markaðslegum tilgangi. Til að senda slíka beiðni, vinsamlegast hafðu samband við okkur og skrifaðu „Shine the Light“ í efnislínuna.

Frá 1. janúar 2020, veita lög í Kaliforníu neytendum í Kaliforníu aukin réttindi.

  1. Rétturinn til að vita um söfnun okkar, notkun og miðlun persónuupplýsinga  sem við höfum safnað um þá á síðastliðnum tólf mánuðum
  2. Rétturinn til að hafna (opt out) sölu á persónuupplýsingum til  þriðja aðila (eða ef um er að ræða neytendur undir 16 ára aldri; rétturinn til að persónuupplýsingar þeirra verði ekki seldar þótt ekki liggi fyrir samþykki (opt-in) foreldra þeirra. Mars stundar ekki sölu persónuupplýsinga núna
  3. Rétturinn til að eyða persónuupplýsingumþeirra er bundinn í lög, með ákveðnum undantekningum
  4. Rétturinn til að verða ekki fyrir mismunun, fá sömu þjónustu og sama verð hjá fyrirtæki, þótt viðkomandi hafi nýtt sér réttindi sín

Neytendur í Kaliforníu geta sent fyrirspurn um ofangreind réttindi með því að ýta hérna. Þú getur einnig komið á framfæri fyrirspurn með því að hringja í 1-844-316-5985 eða með því að hafa samband við þann aðila hjá Mars sem þú hefur verið í samskiptum við.

  • Banfield-dýraspítalinn: með því að ýta hérna eða með því að hringja í 888-899-7071
  • BluePearl sérgreina- og neyðardýraspítali: með því að ýta hérna eða með því að hringja í 855-900-8444
  • VCA-dýraspítalarnir: með því að ýta hérna eða með því að hringja í 1-844-276-5786.

    Athugaðu að ekki er hægt að hringja á hvaða tíma sem er til að nýta þennan rétt. Þú getur tilnefnt löggiltan umboðsaðila til að bera fram beiðnir fyrir þína hönd. Umboðsaðilinn þarf að sýna fram á heimild frá þér og að hann sé skráður hjá innanríkisráðuneyti Kaliforníu. Við getum hafnað beiðni frá umboðsaðila sem leggur ekki fram sönnun fyrir því að hann hafi umboð frá þér til að koma fram fyrir þína hönd.

Við getum þurft að sannreyna beiðni þína áður en við afgreiðum hana. Við getum til dæmis beðið þig um að staðfesta upplýsingar sem við höfum nú þegar um þig. Við afgreiðslu á beiðnum, notum við eingöngu persónuupplýsingar sem við búum yfir til að staðfesta deili á þér eða umboðsaðilanum.

Hvernig við bregðumst við fyrirmælum um að mæla ekki notkun (Do-Not-Track)

Þar sem ekki eru til viðurkenndar stillingar sem koma í veg fyrir mælingu á notkun (Do-Not-Track), styðjum við ekki slíkar stillingar og tökum ekki þátt í ramma sem gerir okkur kleift að bregðast við skilaboðum eða öðrum tæknilegum merkjum frá þér.

Breytingar

Breytingar á þessari yfirlýsingu .

Við notum persónuupplýsingar þínar eingöngu með þeim hætti sem lýst er í þessari persónuverndaryfirlýsingu. Ef við ákveðnum að nota persónuupplýsingar þínar með öðrum hætti en greint var frá þegar þeim var safnað, færðu tilkynningu þar að lútandi. Sé ósamræmi milli enskrar útgáfu persónuverndaryfirlýsingar okkar og þýðingar á henni, gildir enska útgáfan.